لا يوجد ما ينتهك كرامة جسد المرأة أكثر من العنف والاعتداء والقمع، وأكثر من ازدواجية تسليع جسدها أو فرض قدسية سياسية قسرية عليه حنين زعبي

مجموعة أصوات إعلام الطاقم مهمتنا ورسالتنا العضوات 2010 2009 2008 2007 2006 2005 2004 2003 المجموعة ودورات التدعيم مشروع التثقيف ورفع الوعي مشروع الخط الداعم مشروع المعلومات و النشر مقالات ومنشورات أخبار مثليّة مصطلحات أساسية فيديو أصوات بطاقات أصوات صور كتابات إبداعيه كتب الكترونية أهميّة التبرع إشتري منتوجاتنا متبرعينا كيف أتبرع كيف أساهم إنضمي إلينا للإتصال بأصوات إصدارات أصوات إضافة للصفحات المفضلة روابط نسخة للطباعة إخبار اصدقائك بالامر قائمة المراسلة منتديات النقاش

صوت شاذ كتير عنا بأصوات في اجتماعات شهرية, مناقش فيها كتير مواضيع ذات أهمية ومرات اللقاء بدور حول مشاكلنا اليومية وصراعاتنا مع المجتمع ومع الرجعية! عنا بأصوات في دورات تدعيم متعددة, منها هدفها أن تعزز القيادة النسوية ومنها بتثير نقاشات حول الحقوق الإنسانية وحول حقوقنا كنساء في مجتمع يقدس الرجولية!!  عنا بأصوات في "اليوم المفتوح" إلي فيو منعملنا شي فعلية... منقرأ كتب.. منحضر (منشاهد) أفلام.. منضحك ومنتجادل كمان! هاي الأيامات هيي تثقيفية وبنفس الوقت ترفيهيةّ! عنا بأصوات من شي شهر أصدرنا "وقفة بنات" كتابنا الجديد الي بضم 23 قصة. كل قصة نكتبت علي ايد صبية مختلفة, نكتبت بطريقة جريئة ورفعت صوتها وقالت كل الحقيقة... "وقفة بنات" بيثير نواحي مختلفة من مثليتنا العربية!! "وقفة بنات" هو كمان صرخة من صرخاتنا الأصواتية! عنا بأصوات في رحلات وفي كمان حفلات... احتفلنا بمناسبة يوم المرأة العالمي, واحتفلنا باليوم العالمي ضد رهاب المثلية! وطبعا دايما بنطمح لتحقيق انجازات جديدة... وبعدها فورا منبلش نخطط لحفلة قريبة :) بتعرفوا وينتا صرت أقول "عنا بأصوات".. بهداك اليوم لمن حسيت حالي وحيدة وحسيت اني بحاجي لعيلي تدعمني وتحسسني اني بهل- دنيا مش غريبة! دخلت على الانترنت وبلشت فتش عن قصص.. قصص صبايا زيي.. عربيات.. فلسطينيات.. شاذات!!! وبموقعنا لقيت قصتي مكتوبة بعدة أصوات! لقيت قصتي مش شاذة...  لقيتها موجودة بكل مخاوفها, بكل جرئتها, بكتير أبعاد وبكتير أشكال... وبوقتها.. تحولت عندي الشذوذية لمثلية!! الخوف تحول لفخر وبحث عن التغيير ولو حتى بسرية!!  الوحدة تحولت لعيلي صغيرة فيها فهمت انو لميولي الجنسية في شرعية.!! الضياع تحول لهدف.. وصراع من اجل التحرر والحرية!!  وحتى خزانتي... خزانتي ما عادت أبدية!! بوقتها فهمت انو في طريق جديدة! أصوات محل بيحويني.. بيدعمني وبيقويني تحتي بشي يوم أرفع صوتي قدام الناس واقولن : "من صوت شاذ كتير لمجتمع رجعي مستسلم للتأخير, كفى اعتراضات, كفى مرافعات, نحنا بشر ومن حقنا نعيش بحرية.. من حقنا ندافع عن حقوقنا بكونا أقلية.. نحنا بشر من حقنا ما نعيش منبوذين.. وما نعيش مضطهدين.. من حقنا نعيش متل باقية العالم مكرمين.. وها هي قضيتنا..      مثلية.. فلسطينية.. وعربية..."                                                                            ومني الكن تحية نسويه..." بقلم Di